Mediekameratane Anne Margrethe Alværn og Anne-Mette Hjelle tilbyr no kurs for deg som vil utforske og lære meir om sosiale media.

I første omgang arrangerer vi dagskurs, der du vil bli i stand til å bruke sosiale media i eige arbeid eller på fritida.  Vi startar i Førde, men tek gjerne turen til andre plassar i landet.

Datoar: 21. eller 22. september 2010
Stad: Førde
Pris: kr. 2.700,- inkl. lunsj
Tal deltakarar: 12
Sentrale emne;

• Dette bør du vite om facebook, twitter, origo, youtube og blogg
• Gode døme - også frå eige fylke
• Spelereglar på nett
• Gruppearbeid; strategi rundt bruken av sosiale medium.
• Kom i gang; korleis opprette blogg og profil på facebook og twitter? Praktisk arbeid.

Påmeldingsfrist 8. september 2010.
Du kan anten sende epost til
post@mediekameratane.no
eller skrive ei melding:

eller kontakte ein av oss direkte:

For meir informasjon: www.mediekameratane.no eller;

• Anne Margrete Alværn tlf. 900 46626 anne@alvarn.no
• Anne Mette Hjelle tlf. 957 87556 post@annemette.no

Last ned informasjonsark om kurs i å bruke sosiale media

Etter ein omfattande inspirasjonsturne rundt i heile landet, har Distriktssenteret samla nyttig kunnskap, erfaringar og nettverk som dei deler med alle som har interesse for omdømmearbeid.  Les rapporten…

Her får du innblikk i omgrepet omdømme, kvifor det er viktig å ha eit godt omdømme og korleis drive omdømmebygging.

Målet med rapporten er å gje kommunar kunnskap og inspirasjon til å starte ein prosess som kan gje kommunen best mogleg omdømme. Anne-Mette Hjelle i Mediekameratane har vore ein del av fagfolk-teamet.

>

- Fantastisk inspirerande og lærerikt, og nyttig nettverks-bygging, meiner alle tre Mediekameratane.

• IT-Forum Sogn og Fjordane har oppsummert turen her.

Biletet: Mediekameratane ved Golden Gate Bridge. F.v.: Anne Margrete Alværn, Anne-Mette Hjelle og Arild Nybø. >>>

På programmet sto m.a. bedriftsbesøk og møte med:

• KickApps
• Dublin Consulting
• Sonnenschein,
• WebEx (Cisco)
• City of Mountain View
• Apple headquarters i Infinite Loop
• Stanford University der ideen til Google vart unnfanga
• (Stanford Center for Professional Development og mediaX)
• Seesmic og Loïc Le Meur
• City and County of San Francisco
• GoGrid
• AT&T
• Qik
• Faculte

Mediekameratane var også til Las Vegas saman med det norske Lotteri- og Stiftelsestilsynet og møtte verdas største selskap for sertifisering av spelemaskiner (Gaming Laboratories International GLI), speletilsynet i Nevada, og fekk omvising på sikkerheitsanlegget til to av dei største casinoa med sine 3.000 kamera, m.a. The Venetian.

Vestnorske Rytmiske Aktører (VRAK) heldt arrangørkonferanse i Førde 5. og 6. februar 2010. I det høvet hadde Mediekameratane Arild Nybø og Anne Margrete Alværn fått det hyggjelege oppdraget med å halde dei to første føredraga, og å delta i plenumsdiskusjon etterpå.

Nybø heldt føredrag med emnet “Å spreie den glade bodskap – gjennom sosiale medier”, medan Anne Margrete Alværn føreletes om “Knekk mediekoden! Korleis snakke til pressa?”

• Last ned førelesingane om sosiale medier her.
• Sjå heile programmet her (PDF).

Anne-Mette Hjelle er blant dei som siste halve året har vore med Distriktssenteret på  inspirasjonsturné rundt om i kommune-Norge.

Her har kommunane fått inspirasjon, nettverk og fagleg påfyll.

Hjelle har vore med til Herøy, Lierne, Jølster, Indre Østfold, Lebesby/Gamvik, Karlsøy,  Sogndal/Leikanger, Høyanger,  Kvinesdal,  Åseral og Nordre Land.

Også mange andre kommunar har hatt besøk av Distriktssenteret, som har desse på “inspirasjonslaget”: Askil Holm, Finn Tokvam, Marte Hallem, Nils Apeland, Stine Mølstad, Inger-Gunn Sande, Britt Aagaard og Per Arne Tveit.

Les meir om inspirasjonsseminara til Distriktssenteret.

Eg har nettopp hjelpt Åmot Gard i Gaular i Sogn og Fjordane med å lage og lese inn kommentar til ein kortfilm om fjøsopera. Oddmund Haugen har filma og redigert.

Ta ein kikk. Likar du det, kan du ta kontakt.

Forventingar
Det er viktig at kommuneleiinga er motiverte og klare til å bidra - aller helst stå ansvarleg for satsinga. For omdømmebygging i kommunane handlar mykje om god kvalitet på tenestene,  god kommunikasjon både innad og utad og styring av forventningar. (Omdømmet oppstår som kjent i skjæringspunktet mellom forventning og oppleving.)

Det handlar om menneske
Det handlar om møte mellom menneske, om kjensler og om oppfatninga til ulike interessegrupper. Dette er noko som interesserer stadig fleire, både bedrifter, politikarar og kommunar. Difor har vi fleire kommunar på kundelista - kommunar som vil trekke til seg fleire innbyggarar og investorar og få fornøgde innbyggarar/gode ambassadørar.

Tek tid
Vårt bodskap er at dette arbeidet tek tid og krefter - det krev innsats og kvalitet. Fikse slagord - som kræsjar med oppfatningar til folk flest - kan fort bli både komiske og provoserande. Vi kan ikkje vedta eit omdømme. Det er summen av våre eigne og andre sine opplevingar av oss som avgjer vårt omdømme. Blir vi frustrerte, sinna, glade, respektfulle? Holdningar og kjensler er mektige krefter. Media er særleg viktig, fordi media når mange interessegrupper samstundes. Det skadar ikkje å fortelle om kva som bør bli betre og ikkje minst - kva som allereie er bra!

Kommunar
Kommunane Flora, Høyanger, Stryn, Naustdal, Førde, Øygarden og Vanylven er på vår kundeliste. Også Distriktssenteret, Sunnmøre rådmannslag og Fylkesmannen i Sogn og Fjordane. Her er kva rådmann, Einar Årset, i Vanylven skreiv etter at Anne-Mette Hjelle møtte politikarar og næringsselskap i september.

“Vanylven kommune har siste par åra hatt særskilt fokus på sitt omdømme - eit langsiktig arbeid, både med “indremedisinsk” fokus og overfor våre mange interessegrupper. I dette arbeidet har vi hatt god nytte av Anne-Mette Hjelle sin kunnskap, formidlingsevne og integritet. Både dei folkevalde og toppleiinga administrativt har hatt godt av rettleiing og nye tankar på vegen mot meir bevisst mediehandtering og ein meir samanhengande kommunikasjonsstrategi.” (Einar Vik Årset)

Førde og Måløy
Her er ein presentasjon Anne-Mette Hjelle heldt 5. oktober - for 180 lærarar i Førde kommune - om kva rolle skulen spelar i Førde sitt omdømme. Omdømmesatsing også i skulen?

I Førde finst prosjektet Førde Framover , som skal gje retning og energi i Førdesamfunnet. Måløy Vekst satte omdømmebygging på dagsorden på ope møte, ettersom dei ser at næringsutvikling ikkje er nok for å bli attraktive. Her var Førde Framover henta inn for å inspirere. Høyr føremiddagssendinga frå NRK Sogn og Fjordane, der Måløy Vekst etterlyste eit større innbyggarengasjement.

Foto: Betsy Devine

Når eg har halde førelesingar om bruk av sosiale medier for organisasjonar og bedrifter får eg ofte spørsmål om korleis dei bør moderere kommentarar som kjem på f.eks. bedriftsblogg. Mitt svar er at det lettaste er å lage synlege retningsliner på forumet/bloggen, slik at når nokon går over streken så kan de vise til brot på reglane.

Les blogginnlegg med framlegg til reglar.

Var det media som avgjorde kven som vann Stortingsvalet? Spekter i NRK2 har sett på korleis politikarane prøvde å vinne valet gjennom media.

I dette bakgrunnsprogrammet kan du m.a. sjå korleis Raymond Johansen og hans rådgjevarar førebudde seg til tv-debatt og høyre korleis Geir Helljesen, politisk journalist i NRK, opplevde valkampen. Medieforsker Kjersti Thorbjørnsrud meiner nye mediekanalar supplerte dei gamle i valkampen, men at det framleis er radio og TV som gjeld.

Sjå Spekter…

Godt vertskap er gull verd. Foto: Philou.cn

Etter ein del prøving og feiling med nettstader med brukarskapt innhald, først og fremst Origo.no, har eg gjort følgjande erfaringar med ulike måtar å utøve vertskapet på. Eg har delt dei inn i desse modellane:

Passiv modell

• Vert: Bidrar ikkje sjølv bortsett frå å skrive ei eller to oppfordringar på nettsida der dei ber dei inviterte brukarane om å bidra. Skjønar ikkje kvifor folk er så giddalause, og tenkjer med seg sjølv at dei har seg sjølve å takke.
• Brukar: Kjenner seg provosert, og ser ikkje vitsen med å bidra når ikkje vertskapet sjølv gidd å gjere det. (Det tek raskt til å gro grønske på slike soner, og tonen blir ofte negativ).
• Løysing: Vertane bør invitere potensielle bidragsytarar inn i vertskapet gjennom ein personleg invitasjon, der brukaren får vite konkret kva det er ønskjeleg at ho eller han bidrar med.

Overivrig modell

• Vert: Bidrar sjølv svært aktivt med innlegg og bilete. (Rake motsetningen til passiv-modellen). Tenkjer at “det skal i alle fall ikkje stå på meg” og “det er ikkje mi feil om denne nettstaden blir ein fiasko”.
• Brukar: Tykkjer at vertskapet er så aktivt at dei sjølv ikkje kjenner behov for å bidra. Og dei som prøver seg føler at bidraga deira druknar i alle bidraga frå vertskapet.
• Løysing: Vertane bør ikkje poste meir enn maks. eitt innlegg for kvart innlegg som andre postar. Vertane må skryte av alle som bidrar. Ein del innlegg frå vertane må vere konkrete pørsmål og oppmodingar. (Vertar som vil legge ut alle sine tankar og bilete bør heller lage sin eigen private nettstad.)

Proff modell

• Vert: Vertskapet består utelukkande av profesjonelle mediefolk som kan bruke arbeidstida til å bidra. Passar til nettstader der mediebedrifta vil ha full kontroll, og ønskjer å vere einaste hovedbidragsytarar.
• Brukar: Skjønar ikkje vitsen med at dei sjølve skal bidra, fordi vertskapet trass alt har betalt for å gjere jobben. Samanliknar nettstaden med tradisjonell nettavis med annonseinntekter, og vert ikkje motiverte til å bidra.
• Løysing: Inviter andre (ikkje mediefolk) inn i vertskapet, gje dei ansvar og la dei få ei synleg rolle. Skriv gjerne eit innlegg om dei, støtt dei i det skjulte, og la dei få overta showet. Send dei ei julehelsing og takk dei for innsatsen så langt.

Motiverande modell

• Vert: Dei mest synlege vertane er frivillige (i enkelte tilfelle med profesjonell hjelp hos mediefolk dersom dei ønskjer det). Bidrar ein del sjølv, men mange av vertane sine innlegg endar med spørsmål eller oppmodingar. Passar på å ikkje overskygge andre brukarar, og gir positive tilbakemeldingar.
• Brukar: Kjenner at innsatsen deira er samfunnsnyttig, får positive tilbakemeldingar, og vert motivert til å bidra stadig meir. Stadig fleire torer å bidra, og effekten vert sjølvforsterkande.
• Løysing: Denne modellen ser ut til å vere den som fungerer best. Brukarane og vertskapet som er rekruttert blant brukarane fungerer som ambassadørar for nettstaden. Modellen krev likevel innsats over tid, så det er viktig å fordele ressursbruken slik at det ikkje blir bråstogg i bidraga når den første interessa går over.

Glitrande døme på Origo-soner som har suksess basert på den motiverande modellen er Fjærland-sona og Jølster-sona, der vertskapet motiverer med innlegg som dette, der dei først gir litt, og deretter ber om å få litt.